Аксубай фермеры ТР Фермерлар ассоциациясе бүләкләренә лаек булды

Съездда кече хуҗалыкларның иң яхшы вәкилләрен билгеләп үттеләр. Алар арасында районның авыл хуҗалыгы җитештерүчеләре дә бар. Республиканың агросәнәгать комплексы үсешенә керткән өлеше өчен Иске Тимошкинодан фермер Георгий Погодкин Ассоциация бүләгенә лаек булды. Рәхмәт хаты тапшырганда аңа авыр эшендә уңышлар һәм киләчәктә авыл хуҗалыгы бизнесының чәчәк атуын теләделәр.

«Погодкин» крестьян-фермерлык хуҗалыгы – терлекчелек һәм үсемлекчелек буенча тотрыклы үсеш алган хуҗалык. Георгий Петрович – районда беренчеләрдән булып фермерлык эшен башлап җибәргән һәм аны югары дәрәҗәгә күтәргән әтисе Петр Александрович эшен лаеклы дәвам итүче.