Татарстана Конституциясе көнендә ТРның муниципаль берәмлекләре арасында уздырылган бәйге җиңүчеләре республика Президенты кулыннан яңа автомобиль ачкычлары алдылар.
Рөстәм Миңнеханов Аксубай районы авыл җирлекләре арасында ел саен уздырыла торган смотр-бәйге лауреатларын да бүләкләде.
Иске Тимошкино авыл җирлеге башлыгы Полина Мулеева һәм Яңа Ибрай авыл җирлеге башлыгы Фәһим Кәбиров «Шевроле Нива» автомашиналарына ия булдылар.
– Муниципаль берәмлекләр арасында республика смотр-бәйгесе 2010 елдан башлап ел саен, муниципаль берәмлекләр эшчәнлегенең нәтиҗәлелеген арттыру, авыл һәм шәһәр җирлекләрен дә халыкның тормыш сыйфатын яхшырту максатыннан үткәрелә, – дип шәрехләде район башлыгы Камил Гилманов. – Татарстан Хөкүмәте ярдәме – ул иң яхшы муниципаль берәмлекләр эшен бәяләү һәм үз территорияләрендә эшләргә теләүче кешеләр өчен стимул.
Җиңүчеләр район ихтыяҗлары өчен 93 яңа «внедорожник» алды, ә шәһәр округларына җиде микроавтобус ачкычы тапшырылды.
Нет комментариев