Хикәя герое булды

ПФРның Аксубай районы буенча клиентлар хезмәте җитәкчесе Владимир Тимофеев сугыш ветеранын бәйрәм белән ихластан котлады. Шулай ук аңа «Ул көннәрнең даны тынмый» дип аталган бәйге номинациясендә җиңү яулаган өчен приз тапшырды.

Нина Александровна Аксубай китапханәсенең хезмәт күрсәтү бүлеге мөдире Фәймә Гатина хикәясе герое булды. Республикада 3 нче урынны яулаган эсседә автор героиняның Бөек Ватан сугышының алдынгы сызыгында күрсәткән батырлыгын һәм уяулыгын, үсеп килүче буынны тәрбияләүдә бәһасез өлешен ачып биргән.

– Бүгенге көндә сугышны беренче көннәреннән алып, соңгы көннәренәчә узган ветераннар сафы сирәгәя бара. Сезне, Нина Александровна, Халыкара өлкәннәр көне белән котлау, бүләк тапшыру һәм сезгә ныклы сәламәтлек теләү икеләтә күңелле, – дип билгеләп үтте Владимир Егорович.

Нина Телешева кунакларга шат иде. Һәрвакыттагыча, ул бик күркәм, йөзеннән елмаю китми.