Яхшы хезмәт итәргә фатиха алдылар

Болар Иске Үзидән Арсений Майоров, Савгачтан Михаил Лукин, Сидул-Ерыклыдан Сергей Мельников, Түбән Татар Майнасыннан Артур Йосыпов, Яңа Кармәттән Айдар Баһаветдинов, Яңа Ибрайдан Филүс Җиһаншин, Карасудан Тимур Чернов, Иске Савруштан Петр Герасимов, Тарханкадан Михаил Кузнецов, Иске Кыязлыдан Илсур Ильязов.

Иртәгесе солдатларны армиягә озатырга аларның күпсанлы якыннары, туганнары, дуслары, шулай ук район җитәкчелеге, муниципаль берәмлекләр башлыклары, «Ватанга хезмәт итәм» ветераннар хәрәкәте вәкилләре килде. Тантаналы митинг һәр яшь кеше тормышында әлеге адымга әһәмият биреп, призывникларны озатуның мөһим өлешенә әверелде.

– Армиядә хезмәт итү – һәр яшь ир-егетнең мактаулы бурычы, – дип билгеләп үтте ул. – Бүген армиягә таләп катгый һәм хезмәт вакытында да барысы да төгәл һәм устав буенча булырга тиеш. Сез барлык кыенлыкларны да җиңәрсез, Ватанның лаеклы яклаучылары булырсыз дип ышанабыз. Хәерле юл сезгә!

Үзәк хәрби округы инспекторы генерал-майор Анатолий Молоствов яңа армиягә алынучыларга яхшы хезмәт һәм исән-имин әйләнеп кайтуларын теләде.

– Сез хәрби эшкә өйрәнергә барасыз, фәнне тырышып өйрәнегез, – диде ул. – Үзегезне саклагыз һәм командирларыгызны тыңлагыз. Намуслы хезмәт итегез. Бер елдан сезнең ныгайган һәм көче ташып торган ир-атлар булып кайтуыгызны көтәбез.

Хәрби хезмәткә егетләргә район благочинные ярдәмчесе иерей Антоний Рыбочкин хәер-фатиха бирде. «Ватанга хезмәт итәм» ветераннар берләшмәсенең стратегик билгеләнештәге ракета гаскәрләре берлеге җитәкчесе Павел Крюков яңа солдатка китүчеләр адресына иң изге теләкләрен җиткерде.

Автобуска утырыр алдыннан һәр чакырылучы районнан бүләккә кәрәзле телефон алды.