Чуаш республикасында чуаш чигүе көне билгеләп үтелгән көнне республикада “Эшкә милли чигүле киемнән” дигән акция узды.
Районыбызның актив чуашлары да бу акцияне хуплады һәм эшкә милли киемнән килде. Шул исәптән – Урмандеево авыл җирлеге башлыгы, районның чуаш милли үзәге советы әгъзасы Валерий Николаев, шулай ук Урмандеево авыл китапханәчесе Татьяна Максимова.
Чуаш чигүе – матур мәдәниятнең үзенчәлекле күренеше. Районда яшәүче чуашлар әлеге акциягә үз халкы тарихына, аның традицияләренә һәм мәдәниятенә чиксез хөрмәт хисе белән кушылдылар. Бу чарада катнашу – тамырларың турында онытмауның, үз телеңне саклауның һәм үстерүнең, милли гореф-гадәтләрне саклауның ничек мөһим булуын искәртте.
Нет комментариев