Авыл мәдәният учагында батырлык дәресләре узды

Балаларга яшүсмерләр дә катнашкан Бөек Ватан сугышы вакыйгалары турында сөйләделәр. Аларның күбесе балигъ булмаган килеш фашистларга каршы көрәштә гомерләрен биргәннәр.

Дәрес барышында укучылар яшь геройларның, нигездә, партизан отрядларында сугышулары яки подпольщикларга булышулары турында белделәр. Аларның күбесенә Герой исеме үлгәннән соң бирелгән.

«Сугыш көйдергән балачак» презентациясе слайдларын карап, балалар геройларның биографияләре һәм батырлыклары белән таныштылар.