Кәкре Күл авыл җирлегендә ирекле янгын сүндерү дружинасының күнегүләре узды.
Күптән түгел грант хисабына янгын сүндерү ярымтагылмасы сатып алынды һәм ирекле янгын сүндерү дружинасы оештырылды. Башлангыч өйрәнүләр авыл кешеләре өчен беренче практик имтихан булды. Дәресләрне 102нче янгын сүндерү часте җитәкчесе Руслан Ибляминов үткәрде.
Практика алдыннан ирекле янгын сүндерүчеләр яңа техниканы җентекләп өйрәнделәр, аның өстенлекләрен билгеләп үттеләр. Аннары Аксубай янгын сүндерү-коткару гарнизоны җитәкчесе белән берлектә алар эшнең хокукый нигезләрен
- янгын сүндерү тактикасын,
- инвентарь белән эш итү кагыйдәләрен,
- шулай ук беренче ярдәм күрсәтү нигезләрен һәм профессиональ коткаручылар белән үзара хезмәттәшлек алгоритмнарын үзләштерделәр.
Күнегүләрнең практик өлеше барышында иреклеләр үзләренең чын сынауларга әзер булуларын исбатладылар, гамәлләрнең бердәмлеген һәм кирәкле көчләрнең, чараларның булуын күрсәттеләр.
Җыен нәтиҗәләре буенча Руслан Ибляминов КФХ башлыгы Сергей Щекинга Мактау грамотасы тапшырды. Ул бу бүләккә гадәттән тыш хәлләр вакытында актив ярдәм күрсәткәне, фидакарьлеге һәм хәлиткеч мәлдә ярдәмгә килергә әзер торганы өчен лаек булды.
Үткәрелгән күнегүләр — авылда иминлекнең уртак эшкә әйләнүе, ә теләсә нинди гадәттән тыш хәлгә реакциянең мөмкин кадәр тиз һәм нәтиҗәле булуы юлында мөһим адым.
Нет комментариев