Район башлыгы Камил Гилманов бүген бер шәхси эшмәкәрнең кибетендә булды, анда битлек тегәләр.
Татарстанда санитар-эпидемиягә каршы режим кертелгәнче, әлеге кибеттә тукымалар, челтәр сату, заказга тәрәзә пәрдәләре, урын-җир әйберләре тегү белән шөгыльләнделәр.
– Бу битлекләр бүген бик кирәк. Сезгә афәрин дип кенә әйтәсе кала, битлекләр искиткеч, бик уңайлы. Тукымадан тегелгән очракта – дүрт, челтәрдән тегелгәндә алты-сигез катламлы булырга тиеш. Сез бу ай дәвамында битлек тегеп, Аксубай районы халкын тәэмин итәргә тиешсез, бүген дистәләрчә урында битлек тегәләр. Алар сатуга килә. Битлек – ул куркыныч вирустан саклану чарасы, – дип билгеләп үтте район башлыгы.
Тегүче Галина көнгә кырыкка якын битлек тегүен әйтте. Аларны көн саен сатып ала баралар. Эш ял көннәрендә дә тукталмый.
Нет комментариев