8 июльдә, безнең илдә Бөтенроссия Гаилә, мәхәббәт һәм тугрылык көне билгеләп үтеләчәк.
Бу датага Аксубай үзәк китапханәсендә аеруча тырышып әзерләнәләр.
Бу көн кысаларында балалар китапханәсендә бәйрәм символы – ромашка ясау буенча мастер-класс үткәрелде.
Балалар үзләренең туганнарына бүләк итеп ромашка ясадылар. Аларга бу гаилә бәйрәменең барлыкка килү тарихы, аның гореф-гадәтләре турында китапханәче сөйләве буенча белделәр.
Гаилә, мәхәббәт һәм тугрылык көненә китапханәдә мәктәп укучылары һәм яшьләр өчен мавыктыргыч чара әзерләнә. 8 июль көнне 19: 00 сәгатьтә үзәк паркта әлеге бәйрәмгә багышланган «Җәен бергәләп» дип исемләнгән әдәби-музыкаль кичә узачак.
Кичәнең кунагы балалар сәнгать мәктәбенең гитара классы буенча укытучысы Борис Ильин булачак.
Нет комментариев