Аксубайда барлык этләр дә чиплаштырылырга тиеш

Йорт хайваннарын чиплау безнең илнең күп кенә төбәкләренең мәҗбүри таләбе булып тора. Бу процедура хайванны югалту яки урлау очрагында тиз арада идентификацияләргә мөмкинлек бирә, хайванның куркынычсызлыгын тәэмин итә, ветеринария хезмәтләре һәм хокук саклау органнары эшен җиңеләйтә.

Районда чиплау процедурасының ничек баруы турында район ветеринария берләшмәсе җитәкчесе Рәис Хөснуллин сөйләде.

– Без даими рәвештә полиция хезмәткәрләре һәм муниципаль хакимият вәкилләре белән рейдлар үткәрәбез. Безнең тикшерүләрнең максаты – хуҗаларның үз хайваннарын тотуга җаваплы каравына һәм чип салыну турындагы закон таләпләрен үтәүләренә инану. Шуны ассызыклыйсы килә, штраф санкцияләре хуҗасы берничә тапкыр безнең киңәшләрне игътибарсыз калдырган очракта гына кулланыла. Штраф күләме, кагыйдә бозу шартларына карап, 1000 сумнан 5000 сумга кадәр. Әмма безнең төп максатыбыз — хокук бозуларны кисәтү, халык арасында җаваплылык дәрәҗәсен күтәрү һәм хайваннарның куркынычсызлыгын тәэмин итү.

Этне вакытында чиплау хуҗаның дүрт аяклы дустының сәламәтлеге һәм иминлеге турында кайгыртуының мөһим элементы булып тора.