ТР Урман хуҗалыгы министрлыгы карамагындагы учреждениеләргә урман әзерләү техникасын тапшыру тантанасында Аксубай урман хуҗалыгы да агач әзерләү эшләрен башкару өчен «Беларус-82.1» тракторы алды.
Тантаналы чарада Татарстан Республикасы Президенты Рәисе Рөстәм Миңнеханов, ТР урман хуҗалыгы министры Равил Кузюров катнашты. Безнең районны Аксубай урманчылыгы җитәкче-урманчысы Андрей Ильмухин һәм урман хуҗалыгы директоры Сергей Кузнецов тәкъдим итте.
Рөстәм Миңнеханов урман хуҗалыгы хезмәткәрләрен һөнәри бәйрәмнәре белән котлады.
– Сезнең хезмәтегез үзенчәлекле белем, осталык һәм техник яктан тәэмин итүне таләп итә. Бүген без сезгә эшегездә бик файдалы булачак яңа универсаль техника тапшырабыз, – диде ул.
Яңа трактор Аксубай урман хуҗалыгы эшчеләренә мөһим җитештерү юнәлешләре буенча нәтиҗәлерәк эшләргә ярдәм итәчәк.
Нет комментариев