Аксубай районында С вируслы гепатитын профилактикалау атналыгы уза

С вируслы гепатиты турында нәрсәләр белергә кирәк?

С хроник вируслы гепатиты – бавырны зарарлый торган йогышлы авыру.

Еш кына авыру озак вакыт симптомнарсыз уза, шуңа күрә кеше инфекция барлыгын белмәскә дә мөмкин. Ә авыру көчәя барганда цирроз, бавыр яман шеше булырга мөмкин.

Төп тапшыру юлы – кан аша.

Йогышлану булырга мөмкин:

• гомуми энәләр һәм шприцлар кулланганда

• стериль булмаган инструментлар белән татуировкалар, пирсинг, маникюр үткәргәндә

• чит кешенең пәкесен, теш щеткаларын һәм маникюр кирәк-яракларын кулланганда

• стерильлек кагыйдәләрен бозган медицина процедуралары вакытында

• йөклелек яки бала табу вакытында анадан – балага.

Шуны истә тотарга кирәк: вирус кул кысышу, кочаклау, савыт-саба, ризык, су, йөткерү яки төчкерү аша йога алмый.

Бик еш С гепатиты сизелерлек симптомнарсыз уза.

Кайвакыт түбәндәге билгеләр барлыкка килергә мөмкин:

• хәлсезлек һәм тиз ару

• аппетитның кимүе

* күңел болгану

• уң як кабырга астында авырту

• бәвелнең каралуы

• тире һәм күзләрнең саргаюы

Мондый симптомнар барлыкка килгәндә табибка мөрәҗәгать итәргә һәм тикшерү узарга кирәк.

Кызганычка каршы, бүгенге көндә вирусның еш мутациясе аркасында С гепатитына каршы вакцина юк.

С вируслы гепатиты иртә ачыкланганда аны вируска каршы препаратлар белән дәваларга мөмкин.

С гепатиты үсеше буенча куркыныч төркеменә кемнәр керә?

Түбәндәге кешеләргә гепатитка канны тикшерергә киңәш ителә:

• кайчан да булса инъекцион наркотиклар кулланган

• татуировкалар яки пирсинг ясаткан

• элек кан салуны кабул иткән

• медицина учреждениеләрендә эшләүче

• башка кешеләрнең каны белән элемтәдә торган

• С гепатиты белән туганнарга.

Бик мөһим!

Аксубай үзәк район хастаханәсе 2024 елдан 25 яшьтән өлкәнрәкләрне диспансерлаштыру кысаларында С гепатитына тикшеренү үткәрә.

Үткәрү ешлыгы – 10 елга 1 тапкыр. Бу 25, 35, 45, 55 яшьлек һәр кеше диспансерлаштыру кысаларында С гепатитына бушлай тикшерелә ала дигәнне аңлата.

Тикшерү кысаларында канны алалар һәм аны гепатит С (anti-HCV) вирусына антитәнчекләр булу-булмавына тикшерәләр.

Анализга әзерләнү катлаулы чаралар таләп итми: тәүлек алдан майлы ризык ашамаска, ә кан тапшырган көнне процедурага кадәр 30 минут кала тәмәке тартмаска кирәк.