Аксубай районында Хәсән Туфан музеена нигез салучының юбилеен билгеләп үттеләр

Район башлыгы Камил Гилманов бәйрәм сәбәпчесенә музей эше үсешенә керткән хезмәте өчен рәхмәт белдерде.

– Рушания Фаат кызы озак еллар мәктәптә һәм авыл китапханәсендә иҗтимагый башлангычларда Хәсән Туфан музеен оештырды, аннары Иске Кармәт авылында музейның яңа бинасын төзүгә иреште, – дип билгеләп үтте ул. – Якташыбыз истәлеген мәңгеләштерү гомер буе дәвам итте.

Ветеранны шулай ук мәдәният бүлеге җитәкчесе Алексей Тимирясов, район ветераннар советы рәисе Галина Бобкова һәм Иске Кармәт авыл җирлеге башлыгы Андрей Парфенов күркәм юбилее белән котладылар һәм хезмәтләре өчен рәхмәт белдерделәр. Алар үзләренең иң изге теләкләрен җиткерделәр: сәламәтлек, бәхет, озак елларга иҗади энергия теләделәр.

Тәкъзимә Низамова җитәкчелегендә Хәсән Туфан музей-йорты коллективы музейны үстерү, бөек якташыбыз турындагы тарихны саклау буенча Рушания Фаат кызының эшен дәвам итә. Эштә алар авыл учреждениесенә нигез салучы белән хезмәттәшлек итәләр. Лаеклы ялга киткәч тә, ветеран иҗади эш белән шөгыльләнүен ташламый һәм Хәсән Туфан музеенда яңа экспозицияләр булдыруда, Туфан иҗаты белән кызыксынучы кунакларга мәкаләләр әзерләүдә ярдәм итә. Ул – иҗат кешесе, үз тормышы һәм гаиләсе турында шигырьләр яза. Авыл тарихы белгече буларак, Иске Кармәт авылы халкы өчен шәҗәрәләр төзи.

Аксубай туган якны өйрәнү музее архивыннан