Аксубай районы суд приставлары бүлеге җитәкчесе гражданнарны кабул итү буенча яңалык турында сөйләде

– Василий Николаевич, бурычларны түләтү буенча эшләр ничек бара?

–Аксубай районы бүлекчәсенең суд приставлары ел башыннан әҗәтләре булган кешеләрдән 59,3 млн. сум акча түләттерде.

– Республика суд приставлары эшендә нинди яңалыклар пәйда булды?

–Беренчесе – алимент түләттерү буенча онлайн консультацияләр саны артты. Бу башкару производстволарының социаль әһәмиятле категориясе. Алар махсус контроль астында. Быел без бурычлылардан балигъ булмаганнар файдасына 7 млн. сумнан артык акча түләттердек.

Мин инде билгеләп үткәнчә, бу башкару производстволарының аерым категориясе. Ике елдан артык элек Федераль суд приставлары хезмәтенең Баш идарәсе айга 1 тапкыр – беренче җомга көнне онлайн кабул итүләр үткәрү практикасын гамәлгә керткән иде. Баш идарә мондый кабул итүләрне һәр җомга көнне үткәрергә карар итте. Әгәр элек кабул итүне баш суд приставы урынбасары үткәргән булса, хәзер кабул итүне Татарстан Республикасының баш суд приставы Әнвәр Закиров үзе алып барачак.

Уңайлылык шунда, безнең районда яшәүче кешенең Баш идарә җитәкчелегенә алимент түләтү буенча соравы туса да, республика башкаласына килү мөмкинлеге булмаса, ул аның өчен иң якын булган суд приставлары бүлегенә барып, аннан үз сорауларын видео-конференц элемтә форматында бирә ала.
Онлайн кабул итү концепциясе шундый ки, баш идарә шунда ук гариза бирүченең мөрәҗәгатен кабул иткәнче үк хәл итәргә тырышып, аның мәсьәләсе өстендә эшли башлый. Шуңа күрә мөрәҗәгать итүченең, үзен борчыган мәсьәләнең кабул итү датасына кадәр пристав хезмәткәрләре тарафыннан хәл ителүен хәбәр итеп, катнашудан баш тартуы сирәк күренеш түгел.

Кабул итүгә 8 (843) 514-92-21, 8 (843) 514-92-02 телефоннары, шулай ук Баш идарәнең «Татарстан Республикасы буенча Россия ГУФССП» дигән бердәм исемдәге Telegram, ВКонтакте, Одноклассники социаль челтәрләре аша язылырга мөмкин. Модераторларга фамилия, исем, атасының исемен, башкару производствосы номерын, телефон номерын һәм кабул итүнең өстенлекле датасын язу җитә.

Икенче яңалык – 1 декабрьдән Аксубай районы бүлегендә алдан язылу буенча кабул итү кертелә. Сишәмбе һәм пәнҗешәмбе кабул итү көннәрендә башкаручы приставының яки бүлек җитәкчесенең консультациясен алу өчен кабул итүгә алдан язылырга кирәк. Бу кабул итүгә килүчеләрнең вакытын янга калдырачак, теләсә кайсы уңайлы вакытта килү мөмкинлеге бар, чиратта торырга туры килмәячәк, ә пристав аңа нинди башкару производствосы буенча киләчәкләрен белеп, алдан ук килүче белән сөйләшүгә әзерләнәчәк, һәм предметлы сөйләшү булачак. Онлайн алимент түләттерү алымнары очрагындагы кебек, язылудан соң ук приставлар гариза бирүченең мөрәҗәгатен эшли башлыйлар.

Кайвакыт гражданга теге яки бу мәсьәләне аңлатсыннар өчен, бүлеккә барырга кирәк була. Моның өчен һәр бүлектә дежур хезмәткәр каралган. Ул мәсәлән, бурычлы кешедән чикләүләрне тыюны яки банк картасыннан арестны салдыру кебек ашыгыч мәсьәләләрне хәл итәргә ярдәм итәчәк.

–Кабул итүгә ничек һәм кайда язылырга мөмкин?

– Баш идарәнең рәсми сайтында теләсә кайсы вакытта язылырга мөмкин. Язу өчен Баш идарә сайтының төп битенә кереп, «Кабул итүгә язу» бүлеген сайларга кирәк. Шул ук вакытта теләгән датаны сайларга киңәш ителә, башка очракта система буш вакытын автомат рәвештә билгели. Аннары күрсәтелгән электрон почта адресына талон-раслау күчермәсе җибәреләчәк. Кабул итү алдыннан паспорт һәм талон-раслауны күрсәтергә кирәк.

– Кабул итү графигы нинди?

–Кабул итү сишәмбе көнне 9:00дан 13:00 сәгатькә кадәр һәм пәнҗешәмбе көнне 13:00тән 18:00 сәгатькә кадәр бара. Әмма күп кенә сорауларны дистанцион рәвештә хәл итеп була. Мәсәлән, шулай ук дистанцион рәвештә гариза бирергә яки башкарма производство буенча мәгълүмат алырга мөмкин. Рәсми сайттагы интернет-кабул итү аша яки Дәүләт хезмәтләре порталының шәхси кабинеты аша. Халык арасында сервисның популярлыгы даими үсә.

Хәтта башкару документын да дистанцион рәвештә бирергә мөмкин. Моны эшләү җиңел. Судта гариза биргәндә, гаризада аның электрон рәвештә суд приставлары хезмәтенә җибәрелүе турында күрсәтергә кирәк. Гариза бирүнең мондый ысулы нәрсә һәм нинди өстенлек бирә? Суд органы суд приставларының башкару производствосы кузгатылырга тиешле бүлекчәсен үзе билгели; документны суд приставлары хезмәтенә мизгел эчендә тапшыру; башкарма документны югалту, аның ялган яки хаталы булу мөмкинлеге юк ителә; суд приставлары бүлегенә шәхси бару кирәкми; почта корреспонденциясе һәм шәхси бару өчен транспорт чыгымнарын киметү.

Алга таба акча түләттерелә торган кеше башкарма производствоның барышы, суд пристав-башкаручының процессуаль гамәлләре турында электрон рәвештә мәгълүмат ала, Дәүләт хезмәтләре порталында Шәхси кабинет аша электрон рәвештә үтенечләр һәм мөрәҗәгатьләр җибәрә ала.

Бер ел эчендә Баш идарәгә электрон рәвештә 661 725 башкарма документ килгән.

– Мөрәҗәгать итүнең нинди ысуллары бар?

– Мөрәҗәгатьләрне берничә ысул белән бирергә мөмкин: Дәүләт хезмәтләренең шәхси порталы аша, форманы безнең сайтта «Интернет-кабул итү» бүлегендә тутырырга, почта аша җибәрергә яисә безнең Баш идарәдә, безнең хезмәткәрләр мөрәҗәгатьләрне кабул итәчәк һәм теркәячәк.

Консультацияне телефон аша да алырга мөмкин. Баш идарәдә 8 (843) 514-92-21 телефон хезмәте күрсәтү төркеме эшли. Әлеге номер буенча кузгатылган башкарма производство турында мәгълүмат, суд приставлары белән элемтәләр һәм гражданнарны кабул итү тәртибе, Баш идарәнең вазыйфаи затларына кабул итүгә язылу һәм башка теләсә нинди мәгълүмат алырга мөмкин.

Беренче тапкыр шалтырату һәрвакытта да мөмкин түгел. Бу проблеманы хәл итү өчен реверсив шалтыратулар кертелгән. Димәк, операторлар, шалтыратуларның иң югары йөкләнеше кимегән сәгатьләрдә гражданнарның кабул ителми калган номерларына үзләре шалтыраталар.

–Аксубай сайты укучылары өчен сезнең тәкъдимнәрегез?

– Россия ГУФССПның Татарстан Республикасы буенча сайтында бурычларны вакытында тикшерергә һәм түләргә киңәш итәм. Онлайн режимда бурычны түләргә яки банкта түләү өчен квитанцияне бастырып алырга мөмкин. Гражданнар шулай ук http://r16.fssp.gov.ru/ сайтында «Интернет-кабул итү бүлмәсе» һәм «Башкарма производство якларының шәхси кабинеты» аша мөрәҗәгатьләр җибәрә алалар.