Проблемаларны хәл итү өчен

Гражданнардан кергән сораулар, шикаятьләр һәм тәкъдимнәр буенча Татарстанда "Халык контроле" эшли, дип хәбәр ителә ТР Сәламәтлек саклау министрлыгының рәсми сайтында.

ТР "Халык контроле" Дәүләт мәгълүматлар системасына мөрәҗәгатьләрне uslugi.tatar.ru адресы буенча калдырып була. Мөрәҗәгатьләр юлланганнан соң 10 көн эчендә карала. "Халык контроле" эшләгән дәвердә Аксубай районыннан поликлиникалар һәм хастаханәләр эшчәнлегенә бәйле 11 мөрәҗәгать кергән. Шуның 10ы чишелгән, берсе планлаштырылган категориядә. Исегезгә төшерәбез, "Халык контроле" иҗтимаги контроль, фикерләрне тикшерү һәм гражданнар белән уртак тел табу, халык өчен актуаль булган проблемаларны мониторинглау һәм иҗтимаги-сәяси тормышта килеп туган мәсьәләләрне чишүдә бердәм мәгьлүмат кыры булдыру максатында эшләнгән.