Аксубай районы мәхкәмә рәисе Альбина Никитина Мәскәүдә IX Бөтенроссия хөкемдарлар съезды эшендә катнашты. Ул республиканың 13 суд системалары делегатлары сыйфатында Татарстанны тәкъдим итте. Барлык дәрәҗәдәге суд вәкилләреннән: арбитраж система һәм гомуми юрисдикция судларыннан, җәмәгать судьялары һәм хәрби судьялар, барлыгы 780 делегат Союзлар йортының Колонналар залында очраштылар һәм мөһим һәм көнүзәк...
Аксубай районы мәхкәмә рәисе Альбина Никитина Мәскәүдә IX Бөтенроссия хөкемдарлар съезды эшендә катнашты.
Ул республиканың 13 суд системалары делегатлары сыйфатында Татарстанны тәкъдим итте. Барлык дәрәҗәдәге суд вәкилләреннән: арбитраж система һәм гомуми юрисдикция судларыннан, җәмәгать судьялары һәм хәрби судьялар, барлыгы 780 делегат Союзлар йортының Колонналар залында очраштылар һәм мөһим һәм көнүзәк мәсьәләләрне уртага салып сөйләштеләр.
- Алар Россия Федерациясендә судьялар статусына, гадел хөкем сыйфатын күтәрүгә һәм судларда эшләрне карауның билгеле срокларын тәэмин итүгә, суд эшчәнлегенең оештырылган эшен тәэмин итүгә, хөкемдарлар берләшмәсе органнары эшчәнлегенә кагылды, - дип бүлеште съезддан кайткач Альбина Валерьевна. - Закон инициативалары да тикшерелде, шул исәптән суд аппаратлары хезмәткәрләрен акчалата тәэмин итү дәрәҗәсен күтәрү мәсьәләсен хәл итүгә чакырылган, Югары Суд тарафыннан эшләнелгән Дәүләт Думасына кертелгән "Россия Федерациясендә дәүләт суд хезмәте турында"гы закон проекты да. Шулай ук, гомуми юрисдикциядәге судлар системасында апелляцион һәм кассацион округ судлары булдыру турындагы закон проекты.
Судьялар берләшмәсе алдында Россия Федерациясе Президенты Владимир Путин, Россия Федерациясе Конституцион Суд Рәисе В.Д. Зорькин, Россия Федерациясе Югары Суды Рәисе В.М. Лебедев чыгыш ясаганнар.
Моннан тыш, съездда судьялар берләшмәсе органнарын - Россия Федерациясе Судьялар Советы, Россия Федерациясенең Югары квалификацияле судьялар коллегиясен һәм судья вазифасына квалификацияле имтихан кабул итү буенча Югары имтихан алу комиссиясе составын сайлауга йомгак ясалган.
Нет комментариев