Емелькинога юлны ябалар

Аксубай - Емелькино автомобиль юлы 15 майдан 1 ноябрьгә кадәр транспорт чарасы хәрәкәте өчен вакытлыча ябылачак, дип хәбәр итә ТР Юл-транспорт министрлыгы.

Өлешчә, юлның 16нчы километрыннан 24нче километрына кадәрге участогы автомобильләр хәрәкәте өчен ябык булачак. Монда ремонт эшләре планлаштырылган. Машина йөртүчеләргә төбәк билгеләнешендәге Чистай - Аксубай - Нурлат, Чистай - Аксубай - Нурлат -Түбән Татар Майнасы һәм Емелькино - Иске Татар Адәмсуы юлларыннан йөрү киңәш ителә.

Фото: nord-news.ru