КамАЗ машинасы “Хундай”га юл бирмәгән, зыян күрүчеләр бар

Күрше Чистай районы агрофирмаларының берсенә караган КамАЗ машинасы йөртүчесе, Аксубай ягыннан хәрәкәт иткәндә, борылышта каршы килүче «Хундай солярис» автомобиленә юл бирмәгән. Бәрелешү нәтиҗәсендә юл-транспорт вакыйгасында җиңел машина йөртүчесе зыян күргән.

Аксубай медиклары анарда башының маңгай өлеше җәрәхәтләнгән, күрәк читлеге бәрелгән, баш мие селкенгән, дигән диагноз куйган. Тик ул хастаханәдә ятудан баш тарткан.