Чистайда ут белән көрәшүчеләр янгын чыккан ташландык йортта ир-ат мәетен табып алган

Чистайда ут белән көрәшүчеләр янгын чыккан бер ташландык йортта ир-ат мәетен табып алган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Бүген 3.37 сәгатьтә 112 бердәм номерына Чистай шәһәренең Бебель урамында ташландык йорт януы хакында хәбәр килгән.

67нче янгын-коткару часте хезмәткәрләре урынга өч минут эчендә килеп җиткән. Янгынны иртәнге бишләрдә сүндергәннәр. Ут белән көрәшүчеләр кисәүләрне аралаган вакытта ир-ат мәетенә юлыккан. Аның шәхесе һәм янгынның сәбәпләре ачыклана. Янгынның мәйданы 88 квадрат метр тәшкил иткән.

Чыганак: tatar-inform.tatar