Аксубай районында тагын бер мунча янды

Күзәтчелек эшчәнлеге бүлеге мәгълүматларына караганда, янгын 13 июньдә булган һәм шәхси хуҗалыктагы мунчаны юк иткән.

– Күпчелек очракта янгын чыгуда гражданнарның ваемсызлыгы, игътибарсызлыгы сәбәп булып тора – ут белән саксыз эш итү, мичләрне һәм төтен юлларын кулланган вакытта янгын куркынычсызлыгы кагыйдәләрен бозу, – дип шәрехли күзәтчелек эшчәнлегенең районара бүлеге өлкән тикшерүчесе Рәсим Ислямов. – Гражданнардан көнкүрештә саклык һәм куркынычсызлык чараларын үтәүләрен сорыйм.