Авырлыклардан курыкмыйлар

Хуҗалык игенчелектә алдынгы технологияләрне куллана, заманча техника паркына ия. «Волга-Селект» ҖЧҖ механизаторлары язгы кыр эшләре вакытында яхшы җитештерү күрсәткечләренә ирештеләр. Бүген хуҗалык кырларында үсемлекләрне саклау һәм чәчүлекләрне тәрбияләү буенча агрочаралар үткәрелә.

Бу авыл хуҗалыгы предприятиесендә механизаторлар коллективында, нигездә, зур практик тәҗрибәгә ия игенчеләр хезмәт куя. Алар культуралар игү технологиясен, техниканы яхшы беләләр. Алар арасында Вячеслав Кондрашов, Анатолий Исаев, Алексей Башатов, Николай Харитонов, Ришат Гатин (рәсемдә) бар. Бу игенчеләр язгы чәчү эшләре, урып-җыю кампаниясе вакытында иң алдынгылар арасында.

– Безнең механизаторлар кыр эшләрен башкаруга зур җаваплылык хисе белән карыйлар, – дип уртаклашты авыл хуҗалыгы предприятиесе җитәкчесе Иршат Хәнифов. – Алар теләсә нинди катлаулы бурычларны да үтәргә сәләтле.