Аксубайның 1нче мәктәбе директоры Алексей Сударев җитәкчелегендәге коллектив «Мәктәптә физика-математика алгарышы» грантын алу конкурсында җиңү яулады.
Номинациясе – «Физика, математика һәм информатика буенча укучыларның югары нәтиҗәләренә ирешү».
Грант Татарстан Республикасының «Физика-математика алгарышы» төбәк проектының бер өлеше булып тора, ул «Яшьләр һәм балалар» милли проекты, шул исәптән «Педагоглар һәм остазлар» ярдәмче проекты бурычларына туры китереп тормышка ашырыла. Аның төп максаты – физика, математика һәм информатика тирәнтен өйрәнелә торган мәктәпләргә ярдәм итү, ә укучыларга сәләтләрен үстерү һәм техник югары уку йортларына уңышлы керү өчен шартлар тудырыла.
Җиңүче булган мәктәпләр профильле белем бирүне үстерү, заманча җиһазлар сатып алу, нәтиҗәле белем бирү методикаларын кертү, шулай ук укучыларны олимпиадаларга һәм дәүләт йомгаклау аттестациясенә әзерләү өчен финанс ярдәме алалар.
Бу җиңү – көндәлек эшнең, югары профессионализмның һәм даими үсешкә омтылуның закончалыклы нәтиҗәсе. 1 миллион сум күләмендәге грант – ирешелгән нәтиҗәләрне тану гына түгел, белем бирү процессын алга таба камилләштерү мөмкинлеге дә. Акчаның 80 проценты проект командасы хезмәтенә түләүгә, 20 проценты методик базаны һәм программа тәэминатын яңартуга юнәлдереләчәк.
Нет комментариев