Татарстанда Җиңү көне парадын күчерү мәсьәләсе әлегә каралмый
“Көн тәртибендә актуаль сораулар арасында мондый мәсьәлә тормый”, - дип белдерде Лилия Галимова.
Бөек Ватан сугышында Җиңүнең 75 еллыгына багышланган 9 Май парадын күчерү мәсьәләсе әлегә каралмый. Бу хакта онлайн брифингта ТР Президенты матбугат хезмәте җитәкчесе Лилия Галимова хәбәр итте.
“Әлегә көн тәртибендә мондый сорау тормый”, - дип белдерде ул.
Лилия Галимова әйтүенчә, киләсе атнадан производстволар эшли башлавы да изоляция ничек үтәлүгә бәйле булачак. “Изоляцияне үтәү буенча дисциплина кирәк, шуңа күрә смс-рөхсәт алу тәртибе кертелде дә инде. Кызганыч, изоляцияне үтәүдә ваемсызлар да бар”, - диде ул.
Чыганак: tatar-inform.tatar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев