Печоринның мыегы бармы?

Китапханә хезмәткәре Анна Бикмуллина тарафыннан эчтәлекле программа әзерләнгән: ул рус классик язучылары һәм шагыйрьләренә, алар иҗат иткән әсәрләргә кагылышлы әдәби викториналарга, блиц-сорауларга бай иде. 

Җыелган балалар парларга бүленделәр һәм көрәш башланды. Катнашучыларга кыскача биографиясе буенча язучының исемен атарга яки кыска эчтәлеге буенча әсәрнең исемен билгеләргә, аның жанрын ачыкларга тәкъдим ителде. Әдәби интеллектуаллар «Крокодил» уенында теге яки бу персонажны билгеләп, үзара дискуссияләр алып бардылар. 

– Мин бу уенда бик теләп катнаштым һәм кайбер әсәрләрне тагын бер тапкыр укырга кирәклеген аңладым. Печоринның мыегы булганмы-юкмы, Пастернакның исеме Борисмы-түгелме икәнен хәтерләп кара- дип сөйли көрәштә катнашучы Светлана. 

Бу әдәби чарага килгән егетләр һәм кызлар бик күп уңай эмоцияләр алдылар. Һәм, иң мөһиме, вакытны күңелле һәм файдалы итеп үткәрделәр!