Аксубайлыларга дәүләт булыша

Татарстан Республикасы Авыл хуҗалыгы һәм азык-төлек министрлыгы бу эшкә зур игътибар бирә. 

Татарстан Республикасы Аксубай районының крестьян-фермер хуҗалыклары Авыл хуҗалыгы һәм азык-төлек министрлыгы линиясе буенча программаларда актив катнашалар һәм грант акчалары ярдәмендә авыл хуҗалыгы эшчәнлеген үстерәләр. 

Әйтик, Чуаш Енорускиносы авылыннан Владимир Баландов узган ел «Яшь фермер» ведомство программасында катнашып, сөт юнәлеше буенча 3 миллион сум күләмендә грант отты. Хәзерге вакытта Владимир Баландов 30 сыерга исәпләнгән ферма төзүне төгәлләгән диярлек. Бары тик җиһазлар урнаштырасы һәм терлекчелек бинасын продуктив терлек белән комплектлап бетерәсе генә калды.

Усман Нигъмәтуллин фотосы.