Аксубайның беренче номерлы мәктәбе командасы беренчелекне яулады

Беренчелек өчен 2011-2012 елларда туган кызлар көч сынашты.
Футбол тиз реакция, җитезлек, чыдамлык һәм кырда маневрлар ясау осталыгын таләп итә. Беренче мәктәп спортчылары нәкъ менә шундый сыйфатларны иң яхшы итеп күрсәттеләр. Алар ярышларда җиңү яуладылар. Икенче урында – Иске Ибрай урта гомуми белем бирү мәктәбе футболчылары командасы, өченче урында – 1 нче урта гомуми белем бирү мәктәбенең икенче составы.