Халыкка уңайлы булсын өчен

Электрон түләүләрне Татарстан Республикасы дәүләт һәм муниципаль хезмәтләр Порталы, Интернет, банкоматлар һәм инфоматлар (түләү терминаллары) аша тормышка ашырып була. ТКХ өчен түләүнең электрон ысулы, торак-коммуналь хуҗалык өлкәсендә түләүләр системасындагы кебек, ниндидер затларның тыкшынуын күздә тотмый, шул рәвешле акчалата комиссия дә алынмый.

– Интернетка керү мөмкинлеге булган аксубайлылар, квитанцияләрне банкка килмичә дә түли алалар, – дип аңлатты Борис Анатольевич. – Интернет ярдәмендә санагыч җиһазлар күрсәткечләрен кертергә була, ә бу вакытны янга калдыру мөмкинлеге бирә. Квитанцияләрне Татарстан Республикасы дәүләт һәм муниципаль хезмәтләр Порталы аша түләгәндә порталның https://uslugi.tatar.ru сайтында теркәлергә, аннан соң Шәхси кабинетка керергә.

«Услуги в электронном виде для жителей» бүлекчәсендә «ЖКХ» пунктын табарга һәм монда хезмәтләр исемлеге аша түләргә. Түләүләрне порталга кертү өчен лицевой счет номерын, түләүченең мәгълуматларын һәм җиһаз номерын кертергә кирәк. Түләү башкарылганнан соң квитанция формалаша, кирәк булганда аны бастырып чыгарырга мөмкин.