Якташ-геройның хезмәттәшләре сугышчан дусларын искә алдылар

Карлы һәм бетмәс-төкәнмәс “бөкеләргә” кармастан, аның дүрт полкташы Яр Чаллыдан Яңа Ибрайга чираттагы тапкыр килде.

– Исән чакта бер-беребез турында онытмаячакбыз, – дип белдерделәр алар Әхәтнең авылдашлары һәм туган-тумачаларын белән очрашканда. – Әфганстан – мәңге безнең йөрәкләрдә. Ул безне югарыдан бирелгән кыйммәтләргә таянып яшәргә өйрәтте.

Каһарманның дусларын һәм аларның хатыннарын, һәрвакыттагыча, мәктәп ишек төбендә иң кадерле кунаклар буларак каршы алдылар. Яңа Ибрай авыл җирлеге, Шәүкәт Кәбиров җитәкләгән ветераннар советы һәм Яңа Ибрай мәктәбе җитәкчелегендә кунакларны кабул итүне лаеклы дәрәҗәдә оештырдылар.

Чараны оештыруда Әхәтнең якын дусты һәм полкташы Фәрит Нургатин да ярдәм итте.

Бер минутлык тынлыктан соң, Батырлык дәресендә кунаклар Әхәт турындагы истәлекләре һәм үзләренең сугыш көйдергән яшьлек еллары мизгелләре белән уртаклаштылар. Фәрит Нургатин Әфган җирендә балачак дусты белән соңгы очрашулары турында сөйләде. Геройның әнисе Мәдинә апа, бугазына килеп тыгылган төерне чак-чак йотып, яшьле күзләрен кулъяулыгы белән сөртә-сөртә газизенең бала чагын, мәктәптә укыган елларын искә алды.

Совет гаскәрләрен Әфганстан Демократик республикасыннан чыгаруга багышланган тантанадан соң, Әхәтнең сугышчан дуслары очрашуда катнашучылар белән берлектә Әхәтнең каберенә бардылар, аның итәгенә таҗ салдылар.

Хезмәттәшләре туып-үскән өйнең алгы бүлмәсендә кунаклар тыныч кына утырдылар, монда аның әти-әнисе аның шәхси әйберләреннән истәлек почмагы булдырганнар. Ә йорт диварында яшь Әхәтнең фотосурәте эленгән. Ул аннан дусларын күзәтеп тора шикелле тоелды.