Аксубай үзәк китапханәсендә «Халык фольклоры байлыгы» дигән мавыктыргыч әдәби-танып белү сәяхәте узды.
Июльдә Россиядә Бердәм фольклор көне – илебез халыкларының бай фольклор мирасын саклап калуга, үстерүгә һәм популярлаштыруга юнәлтелгән һөнәри бәйрәм билгеләп үтелә.
Китапханәче экскурсовод ролендә чыгыш ясап, килүчеләрне фольклор жанрларының күптөрлелеге – җырлар, мәзәкләр, такмаклар, мәкальләр, әйтемнәр, табышмаклар һәм башкалар белән таныштырды. Чөнки фольклор – халык мәдәниятенең зирәклеге һәм үзенчәлеге хәзинәсе.
Чара кунаклары өчен «Зирәклек хәзинәсе» дигән тематик китап күргәзмәсе оештырылды, анда Россиянең фольклор мирасының байлыгын һәм уникальлеген ача торган басмалар тәкъдим ителде.
Катнашучылар үз белемнәрен арттырып кына калмадылар, тере халык йолаларына кагылдылар.
Фото: китапханә архивыннан.
Нет комментариев