Аксубайның 38 чыгарылыш укучысы физика һәм тарихтан сынау тапшыра

Аксубай районында имтихан тапшыру базасы булып 3 нче мәктәп тора. Сынауны 38 укучының тапшыруы планлаштырыла, шул исәптән берсе узган еллар чыгарылыш укучысы. Мәгариф бүлегенең уку дисциплинасы буенча методисты Татьяна Борисова хәбәр иткәнчә, БДИ тапшыру вакытында Роспотребнадзорның барлык күрсәтмәләре һәм кагыйдәләре үтәләчәк.

Бердәм дәүләт имтиханнары сәгать 10:00 да башланды. Сынау язуга 3 сәгать 55 минут вакыт бирелә. Тарих буенча минималь бусаганы үтү өчен чыгарылыш укучысына – 32 балл, физика буенча 36 балл җыярга кирәк.