Аксубайда өлкән яшьтәге гражданнар һәм инвалидлар арасында мошенниклык фактларын һәм урлауларны профилактикалау буенча лекция узды

Чараны хокук саклау органнары “Нежность” социаль хезмәт күрсәтү үзәге белән берлектә оештырды.

Лекция вакытында якланмаган категория кешеләргә карата еш кулланыла торган мошенниклык схемаларының төрле төрләре каралды. Мошенниклыкның түбәндәге киң таралган төрләренә аерым игътибар бирелде:

Телефон аша алдау – явыз ниятле затлар үзләрен банк, социаль хезмәтләр яисә хокук саклау органнары хезмәткәрләре итеп таныталар һәм өлкән яшьтәге кешеләрнең шәхси мәгълүматларын, акчаларын кулга төшерәләр.

«Социаль түләүләргә» бәйле мошенниклык – җинаятьчеләр төрле ташламалар һәм бүләкләү өчен компенсацияләр алуда ярдәм тәкъдим итәләр.

Коммуникацияләрне тикшерү санагычлар урнаштыру һ.б. сылтау белән башкарыла торган фатир басулар.

Чыгыш ясаучы Анжелика Авандеева мошенникларны ничек танырга һәм аларның корбаны булмау турында практик киңәшләр бирде. Ул уяулыкның, үзләрен төрле оешмалар хезмәткәрләре буларак таныштырган теләсә нинди билгесез кешеләрнең документларын һәм контактларын тикшерү мөһимлеген ассызыклады.

Чарада катнашучылар, үзләренең шәхси тәҗрибәләре белән уртаклашып һәм юристка сораулар биреп, фикер алышуга актив кушылдылар.

Фото: район сайтыннан.