Бөек Ватан сугышы ветераны Николай Панюков Россия Федерациясе Дәүләт Думасы депутаты Олег Морозовның котлавын кабул итте.
Ветеранны бәйрәм белән тәбрикләргә депутат ярдәмчесе — «Нежность» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге мөдире Ольга Миронкина килде. Ул өлкән буын вәкиленә бүләк тапшырды, иң изге теләкләрен җиткерде.
— Сезнең буын бик күп авыр сынаулар аша үткән, район үсешенә зур өлеш керткән, – диде ул. – Чын күңелдән сезгә сәламәтлек, бәхет, якыннарыгызның күңел җылысын телим, тагын күп еллар балаларыгыз һәм оныкларыгызны шатландырып яшәргә насыйп булсын.
Нет комментариев