Аксубай сәнгать мәктәбендә Космонавтика көненә багышланган дәресләр узды

Укытучылар Крестина Серкова һәм Людмила Жирнова укучылар өчен иҗади дәресләр оештырдылар.

“Космик фантазияләр” һәм “Галәм һәм без” дәресләрендә балаларга Юрий Гагарин, аның 1961 елның 12 апрелендә легендар очышы һәм космосны үзләштерүдә совет галимнәренең роле турында сөйләделәр.

Укучылар Җир тирәли 108 минутлык сәяхәтнең дөньяны ничек үзгәртүен белделәр. Укучылар төрле техникаларда тематик эшләр әзерләделәр.

Фото Балалар сәнгать мәктәбе архивыннан.