Аксубай муниципаль хезмәткәре Татарстан Дәүләт автоинспекциясе Рәхмәтенә лаек булды
Юл хәрәкәте куркынычсызлыгын профилактикалау буенча актив эшчәнлек алып барганы өчен Татьяна Мартынова бүләккә лаек булды
Аңа 2023 ел эш нәтиҗәләре буенча Татарстан Дәүләт автоинспекциясеннән бүләк тапшырылды.
– Татьяна Александровна – актив һәм грамоталы белгеч, ул үз эшен яратып һәм вазыйфаларын төгәл үти, кирәк булганда һәрвакыт ярдәмгә килергә әзер, – дип характерлады хезмәттәшен Нурлат шәһәренең ЮХИ территориаль идарәсенең профилактика бүлеге җитәкчесе Гөлфия Гыймалетдинова.
Татьяна Мартынова безнең район газетасы белән дә юл-транспорт вакыйгалары буенча мәгълүматларны оператив җиткерү һәм районда юл хәрәкәте куркынычсызлыгы планында профилактик эш алып бару өлешендә дә актив хезмәттәшлек итә.
Татьяна Мартынованы лаеклы бүләк белән котлыйбыз!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев