Аксубай 2026 елгы Сабан туен бәйрәм итте

Бу безнең районда үткәрелә торган иң борынгы бәйрәмнәрнең берсе. Ул гадәттәгечә барлык халыкны бергә җыя, ял итәргә, якты мизгелләрдән ләззәт алырга мөмкинлек бирә. Биредә һәркем күңеленә ял таба ала: дәртле җырлар, күңелле биюләр, татар ашларының хуш исләре, милли утарларның матур бизәлеше, көч һәм җитезлек ярышлары һәм кунакчыллык. Сабан туе халыкның мәдәни традицияләрен чагылдыра, төрле эшчәнлек өлкәләрендәге алдынгыларны хөрмәтли, иң көчле спортчыларны ачыклый.

ТАНТАНАГА ФАТИХА БИРДЕЛӘР

Бәйрәмне район имам-мөхтәсибе Равил хәзрәт Камалетдинов фатиха белән ачып җибәрде. Ул кырларда эшләүчеләргә хезмәтләре өчен рәхмәт белдерде, барлык катнашучыларга тыныч күк йөзе һәм иминлек теләде.

Аксубай православие чиркәве башлыгы протоиерей Александр Качаев Сабан туе бәйрәме белән котлады.

Мәйданда көйләр яңгырады – тантананың иң онытылмас мизгеле – музыкаль-хореографик пролог булды.

Мәдәни программаның башы күренекле татар шагыйре Габдулла Тукайның тууына 140 ел тулуга багышланды. Яшел болында татар әдәбияты классигы әсәрләренең геройлары пәйда булды – мәйданчыкта барган сюжетны йөзләгән тамашачы зур кызыксыну белән күзәтте.

Бәйрәмнең иң тәэсирле мизгеле – музыкаль-хореографик прологның башлануын билгеләп, татар көйләре яңгырады. Аренада Сабан туена бүләкләр җыюны чагылдырган сәхнә ачылды. Аннары яшел болын матур бизәкләр белән тулды – матур милли костюмнарда биючеләр – мәдәният хезмәткәрләре, район мәдәният йорты ансамбльләре катнашучылары, балалар сәнгать мәктәбендә тәрбияләнүчеләр, район мәктәпләрендә укучылар халык биюләренең тулы бер палитрасын сурәтләделәр. Күңелгә хуш килгән шаян биюләрдән башлап, назлы, моңлы хәрәкәтләргә кадәр, алар туган җир тарихын һәм гореф-гадәтләрен берләштереп, мәдәни мирасның муллыгын һәм төрлелеген ачып бирделәр. Тамашачылар әлеге матур тамашаны сокланып күзәттеләр.

Артистлар чиратлашып татар, рус, чуаш халык биюләрен һәм халыклар дуслыгын чагылдырган җырлар башкардылар.

Тантананың бу кереш өлеше төп бәйрәм алдыннан гына түгел, бөтен Сабан туена тон бирде.

СПОРТЧЫЛАРНЫҢ МАКТАУЛЫ ТҮГӘРӘГЕ

Спорт маршы астында мәйданда спорт мәктәбе директоры Радик Канәфин җитәкчелегендәге спортчылар пәйда булды. Колоннада – бөтенроссия төбәк ярышларында район данын лаеклы яклаган иң нәтиҗәле командалар. Алар – иң яхшы йөзүчеләр, җиңел атлетлар, көрәшчеләр, волейболчылар, хоккейчылар, баскетболчылар, футболчылар. Спортчылар, медальләрен чыңлатып, яшел чирәм буйлап атладылар, тамашачыларның алкышлары астында алар белән бергә колоннада аларның тренерлары да барды – алып баручылар аларның исемнәрен яңгыратты.

РӘСМИ КОТЛАУЛАР

Сабан туе тантанасында кыр һәм ферма хезмәтчәннәре – көндәлек авыр хезмәтләре белән авыл хуҗалыгын үстерүгә өлеш кертүчеләр, авыл хуҗалыгы оешмалары җитәкчеләре, белгечләр хөрмәтләнде. Мәйданда җитештерү алдынгылары, районның авыл хуҗалыгы предприятиеләре җитәкчеләре сафка тезелде. Россия һәм Татарстан Республикасы гимннары яңгырады. Сабан бәйрәмендә «Чистай» ХКның «Аксу Агро» АФ механизаторы Виктор Масловка һәм «Волга-Селект» механизаторы Валентин Захаровка Сабан туе әләмен күтәрү хокукы бирелде.

– Барыгызны да милли бәйрәм – Сабан туе белән чын күңелдән котлыйм, – дип мөрәҗәгать итте тантанада катнашучыларга район башлыгы Алмаз Мингулов. – Тамырлары белән гасырлар төпкеленә барып тоташкан, язгы кыр эшләренең тәмамлануын гәүдәләндергән бу борынгы бәйрәм җирнең юмартлыгы өчен рәхмәт хисен гәүдәләндерә. Без авылда хезмәт куючыларны, авыл хуҗалыгын үстерүгә көч һәм җан салучыларны хөрмәтлибез. Сезнең хезмәт – районыбыз иминлегенең нигезе, азык-төлек иминлеге һәм туган җиребезнең чәчәк атуы нигезе.

Район җитәкчесе фермер хуҗалыклары һәм авыл хуҗалыгы предприятиеләре хезмәткәрләренә бердәм хезмәтләре өчен рәхмәт белдерде, 2026 ел уңышына нигез салынды, диде. Шулай ук терлекчеләрнең районның авыл хуҗалыгы тармагы үсешенә керткән өлешләрен билгеләп үтте. Ул СВОда катнашучы якташларының батырлыгын ассызыклады, фидакарьлек һәм Ватанга мәхәббәт күрсәткәннәре өчен рәхмәт белдерде. Мәйдан катнашучыларны көчле алкышлар белән сәламләде.

– 2022 елның ноябреннән СВО зонасына 50 гуманитар йөк җибәрелде, – диде Алмаз Мингулов. –Моның өчен волонтерлык оешмаларына, битараф булмаган кешеләргә, якташларга һәм иганәче компанияләргә зур рәхмәт. Чиратта – 51 нче кәрван. Безнең яклаучыларга аларны яратуларын һәм көтүләрен белү бик мөһим.

Район башлыгы Россия халыкларының бердәмлеге, Татарстанда Хәрби батырлык һәм хезмәт фидакарьлеге, районда Яшьләр, бердәмлек һәм игелекле ихтыяр елларының үзара бәйләнеше турында сөйләде. Шулай ук республика җитәкчелегенә товар җитештерүчеләргә ярдәм иткәне, район территориясендә авыл халкының тормыш һәм хезмәт шартларын яхшыртырга мөмкинлек бирә торган программаларны уңышлы гамәлгә ашырганы өчен рәхмәт белдерде. Район инвесторлары адресына да рәхмәт сүзләре яңгырады.

Бәйрәмдә катнашучыларны Татарстан Республикасы авыл хуҗалыгы һәм азык-төлек күзәтчелеге идарәсе җитәкчесе Илнур Галиев чын күңелдән сәламләде. Ул ТР Рәисе Рөстәм Миңнехановның Сабан туе бәйрәме уңаеннан юлламасын укыды.

Аксубайлыларны сабан бәйрәме белән Димитровград шәһәре башлыгы урынбасары Дмитрий Трофимов котлады.

ХЕЗМӘТ ӨЧЕН БҮЛӘКЛӘР

Бәйрәм сәхнәсендә бүләкләү тантанасы булды. Район җитәкчесе Алмаз Минегулов АТУТның махсус фәннәр укытучысы Иван Узяковка «Фидакарь хезмәт өчен» медален; Иске Ибрай урта мәктәбенең педагогик хезмәт ветераны Роза Дәүләтшинага «Татарстан Автономияле Совет Социалистик Республикасы төзелүгә 100 ел» медален; биш бала анасы «Нежность» үзәге социаль хезмәткәре Зинаида Козловага «Ана даны – Материнская слава» медален тапшырды; Татарстан Республикасы Министрлар Кабинетының Рәхмәте – район финанс бюджет палатасы рәисе урынбасары –Зифа Ядгаровага; Россия Федерациясе Авыл хуҗалыгы министрлыгының Мактау грамотасы – ветеринария табибы Валерий Храмовка; «ТР Муниципаль берәмлекләре советы» Ассоциациясенең Мактау грамотасы – районның Мөлкәт һәм җир мөнәсәбәтләре палатасы рәисе урынбасары Наталья Муравьевага; Татарстан Республикасы Хезмәт, халыкны эш белән тәэмин итү һәм социаль яклау министрлыгының Мактау грамотасы – «Хыял» балалар һәм яшүсмерләр социаль приютының хезмәт буенча инструкторы Елена Кульковага, Федоровка өлкәннәр һәм инвалидлар өчен интернат-йорты шәфкать туташына – Людмила Ярмушкинага; әлеге оешманың җыештыручысы Валентина Ярмушкинага; «ТР Муниципаль берәмлекләре советы» ассоциациясенең Рәхмәт хаты – мәгариф бүлеге җитәкчесе Рәмзия Зәйдуллинага; «Нежность» үзәге директоры урынбасары Антонина Орловага Россия Федерациясе Хезмәт һәм социаль яклау министрлыгының Рәхмәте тапшырылды.

АВЫЛ ХУҖАЛЫГЫ ТАРМАГЫ ХЕЗМӘТКӘРЛӘРЕ ХӨРМӘТЛӘНДЕ

Мәйданда агросәнәгать комплексының иң яхшы хезмәтчәннәре бүләкләнде.

Татарстан Республикасы Авыл хуҗалыгы һәм азык-төлек министрлыгының Мактау грамоталарына «Чистай» ХКның Аксу Агро АФ хезмәткәрләре: гараж мөдире Рәфис Ибәтуллин һәм диспетчер Галина Михайлова, машина йөртүчеләр Раил Мингалиев һәм Юрий Краснов; механизаторлар Илсур Рәхимов һәм Андрей Кузнецов лаек булдылар.

Район Башлыгының Рәхмәте белән башкарма директор Илгиз Алмакаев, агроскаут Алмаз Әхмәтов, машина йөртүчеләр Сергей Корольков, Алексей Плотников, механизаторлар Виктор Маслов, Иван Цветков, Илсур Рәхимов, Дмитрий Чурбанов, Максим Ендерюков, киптерү җайланмалары операторы Андрей Гаврилов алды. «Волга-Селект» ҖЧҖендә район башлыгының Рәхмәт хаты белән идарәче Сергей Исаев, механизаторлар Александр Ванчурин, Радик Гамируллин, Ришат Гатин, Валентин Захаров, Анатолий Исаев, Ленар Нуртдинов, Юрий Захаров, Евгений Бокарев, Андрей Артемьев, Александр Зубрилкин; машина йөртүчеләр Айрат Хәмәтгатин һәм Фәнил Нуретдинов бүләкләнде.

Татарстан Республикасы Авыл хуҗалыгы һәм азык-төлек министрлыгының Мактау грамоталары “Чистай” холдинг компаниясе акционерлык җәмгыятенең «Молко Аксу» ҖЧҖ хезмәтчәннәренә: терлекчеләр Ирина Маркитановага, Светлана Илендеевага, МТФ хисапчысы Рауза Сабировага, баш белгеч Наталья Шалавинага; район башлыгының Рәхмәт хатлары җитәкче Александр Узяковка тапшырылды.

Район башлыгының Рәхмәте ООО АПК “Актай” -4 җитәкче Ришат Сруретдиновка, машина йөртүче Александр Золинга, пешекче Резидә Мингуловага һәм склад мөдире Светлана Золинага тапшырылды.

«Агрораздолье» -2 ҖЧҖ механизаторлары Алексей Пайдаркин һәм Петр Абросимов район башлыгының Рәхмәт хатына лаек булдылар. «Аксубайсервис» директоры Илфаит Галләмовка да район башлыгының Рәхмәт хаты тапшырылды.

Сабан туенда КФХ башлыкларын һәм аларның хезмәтчәннәрен котладылар.

Татарстан Республикасы Авыл хуҗалыгы һәм азык-төлек министрлыгының Мактау грамотасын КФХ башлыгы Оксана Миронова алды, район башлыгының Рәхмәт хатларын Фәрит Аюпов, Минсәгыйть Җәлалетдинов, Рәхимҗан Мифтәхов, Илшат Рафагетдинов, Фаил Фәтхетдинов, Александр Петров, Татьяна Жукова алды.

Мәйданга 2026 елгы язгы чәчү батыры – «Чистай» ХК»ның Аксу Агро АФ механизаторы Виктор Масловны чакырдылар. Язгы кыр эшләре вакытында ул район буенча иң югары күрсәткечләргә иреште. Аңа арбалы мотоблок тапшырдылды. Язгы чәчүнең төп батыры данлы түгәрәк ясады.

ИҖАТ МӘЙДАНЧЫКЛАРЫ ҺӘМ МИЛЛИ УТАРЛАР

Аксубай сәнгать мәктәбе Габдулла Тукайның 140 еллыгына багышланган сәнгать эшләре күргәзмәсен тәкъдим итте, туган як тарихын саклау максатыннан якташыбыз И.Г. Батыршинның (Яңа Ибрай авылында туган) 100 еллыгына багышланган сәнгать эшләре күргәзмәсен дә әзерләделәр. Сәнгать бүлеге педагоглары һәм укучылары “Минем Ватаным матурлыгы” темасына пленэр эшләренә чыктылар. Бәйрәм кунаклары сәнгать әсәрләренең күз алдында ничек тууын кызыксынып күзәттеләр.

Иртәдән тантанада катнашучыларны милли мәдәниятләр мәйданчыгы кабул итте. Музей хезмәткәрләре аларны стильләштерелгән татар өендә каршы алдылар. Кунакларны татар милли ризыклары һәм самовардан үлән чәе белән сыйладылар. Татар, рус, чуаш милли үзәкләре вәкилләре җырладылар, биеделәр, милли ризыклар белән сыйладылар, кунакларны үзләренең күңел ачу тамашаларына җәлеп иттеләр.

“Китапханә” зонасы зур игътибар һәм кызыксыну уятты. Китапханә хезмәткәрләре «Библиотека. Китапханә. Вулавăш» иҗат зоналары, мастер-класслар, «Ачык микрофон» әдәби подиумы оештырдылар.

Кунакларга “Борынгы Славутница серләре” халык арт-терапиясе студиясе осталарының иҗатын күрсәттеләр – үз куллары белән эшләнгән декоратив-гамәли сәнгать әсәрләре – текстиль курчаклар ясау буенча мастер-класслар үткәрделәр.

Бәйрәм кунаклары СВО волонтерлары мәйданчыгында булдылар. Алмаз Мингулов махсус операция зонасында булган сугышчыларга ярдәм итүчеләргә ихлас рәхмәтен белдерде.

Бәйрәмнең аеруча кызыклы өлеше – милли уеннар. Мәктәптән тыш эшләр үзәге балалар өчен күчмә уеннар һәм конкурслар оештырды.

СПОРТ ДӘРТЕ

Гер күтәрүчеләр дә, армспорт сөючеләр дә көч сынашты.

Ат чабышлары тамашачылар өчен чын магнитка, бәйрәмнең иң мавыктыргыч өлешенә әверелде. Гаять зур төркем, һәрбер җайдакка җаны-тәне белән ярдәм итеп, кызу ат чабышларын сокланып күзәтеп тордылар. Кешеләрне спорт атларының көче һәм матурлыгы, аларның искиткеч тизлеге һәм грациясе җәлеп итте. Бу минутларда ипподромда энергия һәм динамика хөкем сөрде. Һәм, ат чабышлары чираттагы тапкыр исбатлаганча, бу экстремаль спортта безнең чын осталарыбыз бар, аларның иң җитезләре ярышлар йомгаклары буенча бүләкләнде.

Сабантуйны милли көрәш буенча ярышлар төгәлләде. Бил алышулар бик мавыктыргыч булды. Сабан туеның абсолют батыры булып Шәрбәннән Рөстәм Бикмөхәммәтов танылды.