Аксубай укучылары татар фольклоры белән таныштылар

Чара Татарстан Республикасында Туган телләр һәм халыклар бердәмлеге елы һәм «Мәктәп укучылары өчен халык мәдәнияте» Бөтенроссия акциясе кысаларында оештырылды. Татар фольклорына багышланган «Могҗизалы фольклор иле» фольклор-дәрескә район үзәгенең өченче мәктәбе укучылары килде. Татар милли костюмнарыннан булган китапханәчеләр балаларны татар фольклорының төрле жанрлары: бишек җырлары, әкиятләр, санамышлар, мәкальләр, әйтемнәр һәм табышмаклар белән таныштырдылар. Яшь китап укучылар татар халкының милли киемнәре: калфак, түбәтәй, алъяпкыч, читек турында бик күпне белделәр.

Малайлар һәм кызлар китапханә хезмәткәре башкаруында татар бишек җырын игътибар биреп тыңладылар. Кызыклы фольклор-дәрес "Идел буе халыклары әкиятләре" циклыннан балалар китапханәсе хезмәткәрләре куйган "Зөһрә" татар халык әкиятен тамаша кылу белән тәмамланды.

Фото: Аксубай балалар китапханәсе архивыннан.