Аксубай укучылары агач кашыкларга бизәк төшерергә өйрәнделәр

Аксубай балалар китапханәсендә агач кашыкларга рәсем төшерү буенча мастер-класс үтте. Дәресләрдә яшь китап укучылар – «Игелек берлеге» тәрбиягә бала алган гаиләләр клубы әгъзалары һәм Наилә Крайнова җитәкчелегендәге «Аксубай егетләре» ансамбле музыкантлары катнашты. Китапханәчеләр балаларга кашыкларга рәсем төшерү һөнәренең ничек барлыкка килүе һәм үз кулларың белән ясалган әйберләрнең ничек бәяләнүе турында сөйләделәр.

Кашыкларга матур рәсемнәр, бизәкләр ясау бер дә җиңел түгел икән. Рәссам-оста җитәкчелегендә балалар башта кәгазьдә рәсем ясарга тырыштылар. Аннары гына агач кашыкларга алындылар. Тырыша торгач фәнне үзләштерделәр. Хәзер исә бик күп матур әйберләр ясарга һәм аларны якын кешеләргә бүләк итәргә була.

Фото: китапханә архивыннан.