Татарстанда сыер савучыларны актив эзлиләр

2025 елда Идел буе федераль округында авыл хуҗалыгы хезмәткәрләрен активрак эзли башлаганнар. Эш бирүчеләр авыл хуҗалыгы җитештерүе киңәю сәбәпле, аларга конкурент хезмәт хаклары тәкъдим итәргә әзер. Иң күп тәкъдимнәр уңыш җыючыларга булган – аларга ихтыяҗ 125 процентка арткан, ә тәкъдим ителгән хезмәт хаклары 52 500 сум дәрәҗәсендә булган. Көтүчеләргә карата кызыксыну да ике тапкыр арткан, уртача тәкъдим ителгән хезмәт хакы 60 120 сум булган. Сыер савучылар өчен вакансияләр саны 81 процентка арткан, ә хезмәт хаклары 74 120 сумда саклана. Мондый мәгълүматларны «Авито Работа» китерә.

Татарстанда сыер савучыларга ихтыяҗ иң югары булган – аларны узган ел белән чагыштырганда 111 процентка ешрак эзләгәннәр. Аларның уртача хезмәт хакы 95 730 сум. Яшелчә үстерүчеләр дә республика өчен кирәк – аларны 33 процентка ешрак эзләгәннәр һәм 68 810 сум хезмәт хакы тәкъдим итәргә әзер булганнар. Өченче урында бакчачылар  тора (+27 процент) хезмәт хаклары 69 790 сумнан башлана.

Уртача хезмәт хаклары тәкъдимнәре эш бирүчеләрнең барлык төп аграр секторларда хуҗалыклар эшен тәэмин итүче белгечләргә тотрыклы кызыксынуын раслый, дип билгеләп үттеләр «Авито Работа»да.

Элегрәк хәбәр ителгәнчә, кимендә 30 ел авыл стажы туплаган татарстанлылар пенсиягә махсус өстәмә ала алалар. Аның күләме билгеләнгән пенсия түләвенең 25 процентына кадәр җитә. 2025 елда бу 2226,93 сум.