Ватанны сакчылар елында һәм Бөек Җиңүнең 80 еллыгын бәйрәм итү алдыннан, «Россия бөркетләре» яшьләр хәрәкәте активистлары «Беренчеләр хәрәкәте» белән берлектә «Яхшы очрашу» оештырдылар.
Чара урман хуҗалыгы белгечләре — Аксубай урманчылыгы җитәкче-урманчысы Андрей Ильмухин һәм урман хезмәткәре Алексей Данилов җитәкчелегендә узды. Алар табигатькә сакчыл карашның мөһимлеге турындагы белемнәре белән уртаклаштылар һәм мәктәп укучыларын яшел үсентеләрне саклауның төп нигезләре белән таныштырдылар.
Балаларның агач утыртуда катнашуларына аерым игътибар бирелде. Укучылар яшь үсентеләр утыртуда актив кушылдылар: өлкәннәргә чокырлар казуда, агачларны утыртуда ярдәм иттеләр һәм аларның төпләренә су сиптеләр. Мондый чаралар яшь буында экологик гадәтләрне формалаштырырга ярдәм итә һәм туган төбәккә мәхәббәт тәрбияли.
Фото «Беренчеләр хәрәкәте» архивыннан.
Нет комментариев