Мәдәният хезмәткәрләре делегациясе Балык Бистәсендә узган «Мәдәни десант» проекты кысаларында методик семинарда катнашты
Семинарда мәдәният учреждениеләре эшенә заманча таләпләр, «Пушкин картасы» федераль программасын гамәлгә ашыру буенча эшчәнлекнең яңа формалары каралды. Коллегалар тәҗрибә алмаштылар, үзләре өчен алга таба эшләү өчен күп кенә яңа һәм файдалы нәрсәләр таптылар.
Чара кысаларында тармакның иң яхшы хезмәткәрләрен бүләкләү булды. Татарстан Республикасы Мәдәният министрлыгының «Мәдәнияттә казанышлар өчен» күкрәк билгесе Иске Кармәт авылы мәдәният йорты методисты Газинур Гыйзәтуллинга тапшырылды. Район Мәдәният йортының клуб эше методикасы буенча белгеч Ирина Сәлахова ТР мәдәният өлкәсендә инновацияләр кертү һәм традицияләрне саклау буенча Ресурс үзәгенең Рәхмәт хатына лаек булды.
Фото: район мәдәният бүлеге архивыннан.
Нет комментариев