Ел саен ата-бабаларыбызның батырлыклары турында истәлекле чаралар уза, шуларның берсе – «Җиңү диктанты» ул бүген Аксубайның 3нче мәктәбе базасында узды.
Акциядә өлкән сыйныф укучылары һәм укытучылар, шулай ук мәктәп директоры Җәмилә Вәлиева, район Башкарма комитеты җитәкчесе Алмаз Мингулов һәм район мәгариф бүлеге җитәкчесе Рәмзия Зәйдуллина катнашты.
Чара укучыларның дулкынландыргыч чыгышларыннан башланды.
– Без акциянең әһәмиятен барыбыз да аңлыйбыз, – диде мәгариф бүлеге белгече Сергей Чеверикин. – Мондый чаралар безнең геройларны искә алу өчен үткәрелә.
Башкарма комитет җитәкчесе Алмаз Мингулов акциядә катнашучыларны сәламләде, оештыручыларга рәхмәт белдерде һәм барысына да диктантны уңышлы язуны теләде.
– Бу ел – Ватанны саклаучылар елы һәм Бөек Ватан сугышында Җиңүнең 80 еллыгы, шуңа күрә мондый акцияләр белән без яклаучыларыбызны искә алырга тиеш, – дип билгеләп үтте район җитәкчесе Алмаз Мингулов.
Катнашучыларны тарихи тематикага 25 сораудан торган тест көтте. Тест 45 минут дәвам итте, бу вакытта өлкән сыйныф укучылары Бөек Ватан сугышы вакыйгалары турындагы белемнәрен күрсәттеләр.
Акциянең нәтиҗәләре «Диктант Победы» рәсми сайтында басылачак.
Нет комментариев