Аксубай мәктәбе директоры киңәшчесе Татарстан Республикасында балигъ булмаганнарның иң яхшы җәмәгать тәрбиячесе дип танылды

Татарстан Республикасы балигъ булмаганнар тәрбиячеләрен бүләкләү тантанасы Казанда узды. Милли китапханәдә җәмәгать тәрбиячесе вазифаларын үз теләкләре белән үз өсләренә алган төрле тармак даирәләре хезмәткәрләре җыелды.

– Татарстан Республикасында балигъ булмаганнарның җәмәгать тәрбиячеләре институты балигъ булмаганнарның күзәтүчесезлеген, сукбайлыгын һәм хокук бозуларын кисәтү һәм гаиләне һәм балачакны яклау буенча конституциячел нормаларны гамәлгә ашыру өлкәсендә социаль сәясәтне камилләштерү максатларында төзелде, – ди тәрбия буенча муниципаль куратор Наталия Хәйруллина. – җәмәгать тәрбиячеләренең бурычлары – авыр тормыш шартларында калган гаиләләргә җәмәгать тәртибен бозуга һәвәс булган яшүсмерләрне тәрбияләүдә ярдәм итү.

Моннан тыш, алар балигъ булмаганнарның хокукларын һәм законлы мәнфәгатьләрен яклау һәм торгызу чараларын гамәлгә ашыруда катнашалар, шулай ук тәрбияләнүчеләрнең җәмгыятькә каршы гамәлләрен кисәтү максатларында профилактик эш алып баралар.

Аларның бу эшчәнлекне түләүсез нигездә зур энтузиазм һәм нәтиҗәле алып баруларына гаҗәпләнергә генә кала. Үзенең көндәлек эше белән Анна Мельникова шуны исбат итте дә.