“Бизнес-десант“ Аксубайга төшә

6 декабрьдә Аксубайда киң күләмле "Бизнес-десант" чарасы оештырыла.

Аның кысаларында эшмәкәрлек эшчәнлеген киң яктырткан һәм киң җәелдергән семинар үтә. Чарада профессиональ бизнес-тренерлар, уңышлы эшмәкәрләр, салым, юриспруденция һәм сату-алу эшчәнлеге тармагына кагылышлы кануннар буенча экспертлар командасы, шулай ук Татарстан Республикасы эшкуарларына ярдәм итү үзәге хезмәткәрләре катнаша.

Семинарда катнашу - ул эшмәкәргә үз эшен алып баруда кызыксындырган сорауларга тулы аңлатмалар һәм Татарстан Республикасында гамәлгә ашырылган дәүләт ярдәме чаралары турында мәгълүматлар алу.

"Син - эшмәкәр" тренингы семинарның икенче өлеше булып тора. Аның максаты - үз эшләрен башлап җибәрергә планлаштырган актив, булдыклы яшь кешеләрне өйрәтү. Тренингта катнашучыларга үз бизнесы өчен идеяны ничек сайларга кирәклеген, бизнес-планны төзү һәм аны гамәлгә ашыру өчен кайдан акча табу хакында аңлатачаклар.

Эшләрен уңышлы алып барган һәм яңа башларга теләгән кешеләрнең, инициативалы затларның, потенциал эшкуарларның "Бизнес-десант" чараларында актив катнашулары сорала. Теркәлү вакыты 10:30 сәгатьтә. Чара шәһәр тибындагы Аксубай бистәсе, Ленин урамы, 13 йорт адресы буенча Яшьләр үзәгендә үтә.

Фото: pp.vk.me