Яшь армиячеләр авыл һәйкәлен тәртипкә китерделәр

Тарихи хәтерне саклау буенча Бөтенроссия акциясе кысаларында беренче акт авыл җирлеге обелисклары территорияләрен җыештыру булды. Балалар аларны кардан чистарттылар, кыш дәвамында җыелган чүп-чарны капчыкларга җыйдылар, кызлар обелисктагы язуларны сөрттеләр.

– Истәлекле урынны төзекләндерү – җиргә тынычлык кайтарган һәркемгә рәхмәт йөзеннән без эшли алырлык кечкенә әйбер, – диләр яшь армиячеләр. – Чөнки обелискта – якыннарыбызның – бабаларыбызның, авылдашларыбызның исемнәре язылган. Алар Ватанны саклаганда һәлак булганнар, Җиңү белән кайтканнар һәм соңыннан төрле вакытта сугыш яраларыннан вафат булганнар.

Акция халыкка илебезнең бөек тарихы турында искә төшерергә һәм кешеләрнең игътибарын хәрби каберлекләрнең, обелискларның һәм мемориалларның торышына юнәлтергә, иреклеләрне җыештыруга җәлеп итәргә тиеш.