Аксубай мәктәбендә очрашуда табиблар кызларның горурлыгы һәм ир-егетләрнең намусы турында сөйләделәр
Район поликлиникасы табиблары В.В. Тимирясов исемендәге 1нче мәктәптә өлкән сыйныф укучылары белән профилактик әңгәмә үткәрделәр.
Табиблар А.В. Богушева, К. Д Гыймадиева укучыларга үсмер егетләр һәм кызлар организмында була торган физиологик процесслар турында сөйләделәр. Табиблар тыңлаучыларның игътибарын үсмерләрнең гигиена үзенчәлекләренә һәм аның сәламәтлекне саклаудагы әһәмиятенә юнәлттеләр.
Әңгәмә барышында иртә яшьтә йөклелек һәм аны өзү нәтиҗәләре кебек яшүсмерләр өчен мөһим темаларга да кагылдылар. Моннан тыш, венерик авырулар һәм аларның нәтиҗәләре, шулай ук контрацепция ысуллары турында база төшенчәләре кебек мәсьәләләр дә күтәрелде. Әңгәмә соңында әлеге тема буенча уртак фикер алышу булды.
Профилактик әңгәмә форматы, сыйныф җитәкчеләре сүзләренә караганда, яшүсмерләрдә җанлы кызыксыну уятты.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев