Тукайга багышлап

Апрель аенда татар халкының бөек шагыйре Габдулла Тукайның тууына 130 ел тула.

Район китапханәсе хезмәткәрләренең Аксубай РУЭС филиалы бүлеге хезмәткәрләре өчен оештырган "Могҗизалар кыры" уены районда шагыйрьнең юбилеена карата үткәрелгән тәүге чараларның берсе булды.

-Габдулла Тукай - татар әдәбиятының халык шагыйре, - дип билгеләп үтте, уенда катнашучыларны сәламлап, район электр элемтәсе челтәрләре җитәкчесе Наил Фәттахов. - Шигырьләрендә яктыртылган татар халкының фаҗигале тормышы - аның бай иҗади мирасы булып тора.

Уенда өлкәннәр дә, балалар да канашты - Тукай әсәрләре яңгырады, шагыйрь тормышы мизгелләре һәм иҗат битләре ачылды.