Юл статистикасы

2017 елның август аенда ЮХИДИ хезмәткәрләре 453 канун бозу очрагын ачыклаганнар. Шуңа өстәп полициянең участок вәкилләре тарафыннан 102 канун бозучы ачыкланган. Кагыйдә бозучылар арасында автомобильләре тиешле тәртиптә теркәлмәгән - 24, ОСАГО полисы булмаган яки аңа кертелмәгән килеш идарә иткән - 64, куллануга рөхсәт ителмәгән машина белән идарә иткән - 45, юл хәрәкәте кагыйдәләренә битараф булган - 75, иминлек каешын кулланмаган - 43, үзләре белән документлары булмаган - 17, җәяүлеләр юлында яки тротуарда туктамаган 40 машина йөртүчегә административ беркетмә төзелгән.

Шулай ук юл хәрәкәте кагыйдәләрен үтәмәгән 29 җәяүле, штраф түләмәгән 17 һәм исерек килеш руль артына утырган 14 машина йөртүче ачыкланган.