Штрафлардан – ташлама

ЮХИДИ штрафларын 20 көн эчендә түләүчеләр 50 процентлы ташлама алачак.

Бу хакта ТР Министрлар Кабинетында узган брифингта ТР буенча Эчке эшләр министрлыгының ЮХИДИ идарәсе башлыгы - ТР дәүләт юл хәрәкәте куркынычсызлыгы баш дәүләт инспекторы Рифкат Миңнеханов хәбәр итте. Аның сүзләренчә, 2016 елның 1 гыйнварыннан "Юл хәрәкәте өлкәсендә административ хокук бозулар өчен штрафлар түләтүне камилләштерү өлкәсендә административ хокук бозулар турындагы РФ кодексына үзгәрешләр кертү турында" - гы 437нче Федераль канун үз көченә керә. Татарстанда ЮХИДИ штрафларының 99 процентын 20 көн дәвамында яртысын гына түләп булачак.