Туу һәм үлү фактын вакытында рәсмиләштерергә

Аксубай муниципаль районы башкарма комитеты ЗАГС бүлеге җитәкчесе Светлана Крайнова сүзләренчә, үлем турындагы гаризаны кеше вафат булганнан соң яки үлгән кешенең гәүдәсен тапканнан соң өч көн эчендә тапшырырга кирәк. Бала туу фактын туганнан соң бер ай эчендә теркәргә кирәк. Район территориясендә яшәүче халыкларның үлгән кешене соңгы юлга озату һәм искә алу йолаларын ихтирам итү йөзеннән ЗАГС бүлеге үлемне теркәүне шимбә көннәрендә дә башкара. Ялларга туры килгән бәйрәм көннәрендә үлү фактын теркәү ЗАГС бүлеге хезмәткәрләре белән килешенеп гамәлгә ашырыла. Белешмләр өчен телефон: 2-75-20.