Сәламәтлек саклау өлкәсенә – 50 автомобиль

Аксубай район хастаханәсе яңа автомобиль алды.

Район үзәк хастаханәсе баш табибы Ратмир Мустафаев Казанда тантаналы чарада сәламәтлек саклау министры Адел Вафин кулыннан "Калина Кросс" автомобиле ачкычы алды. Мондый автомобиль Татарстанның барлык медицина учреждениеләре җитәкчеләренә бирелде. Министр үз чыгышында Татарстан Президенты Р.Н. Миңнехановның, ТР Хөкүмәтенең ярдәмен билгеләп үтте һәм учреждениеләр җитәкчеләренә, яңа хезмәт машинасын йөртүчеләргә имин юллар, эшләрендә яңа үрләр теләде, диелә сәламәтлек саклау министрлыгының рәсми сайтында.

Фото minzdrav.tatarstan.ru